+تكبير

هاد حالنا أحنا العرب.. نص حياتنا جمايل من هالحكي الموجود في الكاريكاتير…

والله منتا دافع, ع اليمين أول, انا عازمك اليوم خاوه, سكّر أنت بالأول حبيبي….. الخ

حتى ع التلفون, مرحبا كيفك وشو اخبارك وشو عامل وكيف امورك وكيف شغلك وكيف العيلة وكيف فلان وشو عامل انت اليوم وشو علومك وشو لونك وشو بتسوي وشو عملت مبارح وشو عملت اليوم.. حتى بالاخر الواحد بنسى شو بدو يحكي بالاخر..

عمي فش بعد الأجانب بالشغلة هاي, بالتلفون يادوب Hi وبدخل بالموضوع, وبالاخر Bye وبسكر الخط, واذا بتعزم عليه ما بقلك لأ, ما بقعد يحكي وشرف فلان وعلتان الا انا أدفع.. ما بتصير هاي عندهم!!

مره كنت طالع انا جماعه من بريطانيا, كانو هموا الي عازميني بره, انا نحرجت وحكتلهم I want to pay, حكولي It’s Ok, but next time we’ll invite you طبعا لهلا الـ Next time  ما اجت , ولو أجت مارح أحلف بالمرة

عرفتو ليش أحنا دار أبو جميل؟ (سكون على الجيم والميم) عشان تنقرأ صح..