• أماكن مرشحة لتركيب نظام سالك في دبي

اليوم قرأت خبر في جريدة الأمارات اليوم عن بدء التفكير في تركيب نقاط جديدة لبطاقة سالك في دبي, بحسب الخبر والصورة التوضيحية للأماكن المرشحة, هيك بتصير كل المنافذ بين ديرة وبر دبي مغطية بسالك, يعني للي ما بدو يدفع الرسوم لازم يمشي من طريق تانية طويلة من راس الخور على ما اعتقد. 

بالبداية كان في أعتراض كبير من كل القاطنين في دبي ضد النظام الجديد, لكن مع الوقت صار "تقريباً" الكل راضي, لأنه صار الي بدو يتجاوز الأزمة على جسر آل مكتوم أو الشندغة بروح من طريق سالك وبدفع 4 دراهم, ونفس الحكي بنطبق على شارع الشيخ زايد, أو عليه عبور الشوارع الأخرى وتحمل الأحباط الذي تسببه الأزمة.

لكن انا مش عارف شو الهدف الآن من تعميم سالك على كل المعابر الأخرى؟ لم يبقى ولا معبر مجاني أبداً, الا الطرق الألتفافية من نهاية الخور…!

بأنتظار وضع سالك على نَفَس المقيمين وحتى المواطنين في الأمارات

دبوس: تخيلوا لو عملوا نظام شبيه لسالك في الأردن, شو رح تكون النتائج